14 mættir í morgun í þessu fína veðri.
Hlupum upp í dal, upp fyrir hesthús, til baka meðfram Reykjafjalli, Ölfusborgir, niður á þjóðveg og upp í sundlaug.

kveðja,
Hilmir

p.s þeir sem eiga eftir að borga fyrir mars geri það sem fyrst

Já við vorum 17 á æfingu með hundinum og allir bara nokkuð hraustir! Þvílík happatala og frábært veður í kvöld í Svindlaranum þar sem flestir voru mjög samviskusamir og margir skörtuðu sínu fegursta skeggi í tilefni Mottu-mars! Eitthvað hægði mottan á með aukinni vindmótstöðu og sykurleysið er ennþá að drepa Pétur.
Rólegt á morgun (spjallhraði) og laugardaginn eitthvað út í sveitina..!
RunRun AT.

Tilbreytingarhlaupið í kvöld, 16. mars, var mjög mikil tilbreyting.  Keyrt var uppí dal á planið innaf hesthúsum og hlaupið þaðan upp Rjúpnabrekkur og inn Reykjadalinn.  Áætlunin hljóðaði uppá að fara upp að brunarústum Orkuveitukofans innst í dalnum.  Riðlaðist áætlunin þegar á hlaupið leið, enda rigning, þoka, drulla, vatnsagi og hlaupafærið erfitt. Sennilega hefur kvisast út hvert ferðinni væri heitið því einungis mættu 7 manns í hlaupið. En greinilega þeir hraustustu sem eru,:  Berglind, María, Almar, Denni, Beggi, Valdimar og Pétur. Nákvæmlega 4,2 km. eru frá planinu og upp að kofarústum og því geta aðrir farið að tímamæla sig í brekkunum.  En þeir voru drullugir, blautir en ánægðir sem komu niður á plan eftir gott slark.
kv. Valdikaldi

PS: Setti nýtt útlit á síðuna í takt við árstíðina og sem hægt er að lesa !

17 mættir að hlaupa í kvöld og brekkan góða farinn allt að 6x eftir hefðbundna upphitun. Rétt að minna á æfingu á morgun(þriðjudag) kl.18.00 sem verður með skemmtilegri tilbreitingu. Miðvikudagur hefðbundinn "Svindlari" og fimmtudagur rólegt hlaup. Laugardagur svo farið rólaga og eitthvað lengra. 
Kv.AT

Setti inn nýja könnun en gamla könnunin var á þann veg hvað væri versta upplifunin við að skokka? Voru flestir á að verst væri að hlaupa í mótvind og rigningu eða 12! Þó voru nokkrir sem höfðu slæmar minningar af að hlaupa þunn/ir og einhverjir sem ekki líður vel við að tapa fyrir Pétri! Þó voru 10 sem fannst þetta allt næs og það er nú þannig í flestum tilfellum og á flestum æfingum/hlaupum. Nýja könnunin er öllu einfaldari!
Rétt að velja þessa síðu sem vefsíðu næstu vikna en Karen Axelsdóttir er að fara að keppa í IRONMAN Ástralíu eftir 2 og 1/2 viku. Sannarlega Járnkerling þarna á ferð og gaman að lesa bloggið hennar í aðdragandanum og eftir keppninga skjálfa.  Skil ekki hvað við erum að súpa hveljur yfir nokkrum brekkusprettum, bara í hlaupunum, þegar maður les um svona Járn-fólk og um þann tíma og fórnir sem fara í svona undirbúning og keppni!
RunRun AT.

Það voru 11 hressir hlauparar sem mættu í morgun að hlaupa og farið rólega meðfram Reykjafjalli að Sogni og niður á þjóðveg, í Hveragerði og sundlaug aftur. 10-12 km eftir hjáleiðum. Sá að inn á www.hlaup.is eru úrslit frá hlaupinu á fimmtudag komin og hægt að skoða hvernig menn og konur hafa staðið sig!!
Framundan "venjuleg" vika eins og maðurinn sagði áður en álagið verður enn meira fyrir Laugarvegs-hlaupara!
RunRun AT.

(á myndina vantar Eyþór og Idu)

Það voru þreyttir en sælir 15 hlauparar sem snéru heim úr Árbænum í gærkvöldi eftir vel heppnað Powerade hlaup í vor blíðunni. Frumraun margra í keppnishlaupi og td. annað hlaupið hjá Begga sem nær 10 km eða meira og karlinn á fínum tíma! Flest allir náðu áður settum markmiðum þó svo að Pétur hafi ekki gefið upp sín markmið þá hékk hann með á reynslunni. Nokkrir voru með sinn besta tíma í 10 km. Set inn nokkrar myndir(myndasafn) sem Lísa tók en hún studdi okkur og treysti á ögurstundum þó svo að hún gæti ekki verið með..   Freydís villtist smávegis og var að reyna að spyrja til vegar einhvern “iPot-sjúkling” en náði samt sem áður af öryggi í mark. Endasprettur kvöldsins hjá öllum 400 hlaupurunum átti svo Beggi og vart umannað talað í Árbænum þessa dagana! />

Að lokum er rétt að geta þess að Hamar var eina liðið sem mætti á langferða-bifreið og var eftir tekið.  Úrslitin og staðfesta tíma er svo hægt að sjá inn á www.hlaup.is einhverja næstu dagana.

...og ps.  alls ekki taka karlinn of alvarlega...!

Kv.AT

Lísa á afmæli í dag og var 17.manneskjan á æfingunni í kvöld þar sem farinn var rólega öfugur Svindlarinn án Gossabrekku og Laufskógabrekku. Vantaði sárlega söngelskar systur, þær Ástu og Löllu því eitthvað var afmælissöngurinn aumur til hennar Lísu.
Varðand Powerede hlaupið á fimmtudagskvöld þá er rútan klár með bílstjóra og kostar hlaupið + rútan 1300kr. Held að þátttakan verði um eða yfir 15 manns frá Hamar og er það glæsilegt. Mæting upp við sundlaug er ekki seinna en 18.30.
Þeir sem fara í Powerade sleppa æfingu á morgun og safna kröftum en hinir sem ekki fara eru eindregið kvattir til að pína sig í Svindlara-hringnum og ekkert væl....!
RunRun AT.

15 held ég að hafi verið á æfingu í kvöld og farið upphitum (3km.) + 4 brekkusprettir í Gossabrekkunni. Ennþá eitthvað um meiðsli og Lísa, Denni, Sverrir og Geir frá út af meiðslum svo vitað er en Lárus var víst máttlaus eftir allt grænmetið á árshátíð Kjörís um helgina. Æfingin á morgun verður til að ákveða endanlega með þátttöku í Powerade-hlaupinu á fimmtudaginn og ef það verður þá fellum við niður miðvikudaginn fyrir þá sem fara í Powerade.
RunRun AT.

Rétt að óska Pétri til hamingju með afmælið sitt á laugardaginn! Karlinn lofaði einhverju óvæntu á afmælisæfingunni en ég hef ekki fengið fréttir af því hvað það var..... hljóp karlinn í magabol eða..?
Eitthvað gegnur betur hjá Hilmir að hlaupa en blogga og margir í hópnum farið um og yfir 40 km í síðustu viku samkvæmt hlaupadagbókinni. Hef það eftir áræðanlegum heimildum að 12 hafi verið á æfingunni á laugardaginn og hlaupið um götur bæjarins í ágætis færð og veðri!
Þessi vika verður án efa góð og byrjar í kvöld á einhverjum sprettum (brekkusprettir að því er ég held) og æfing á þriðjudag og miðvikudag kl.18.00 en fimmtudagur er Powerade hlaup í Árbænum (R.vík) og þar sem hlaupið er 10 km. og vildi Pétur endilega stefna sem flestum þangað. Farið betur yfir málið í kvöld! Laugardagsæfingin verður svo á sínum stað kl.10.00

Kv.AT

11 mættir í kvöld. Svindlarinn tekinn í slabbi og ágætisveðri.

Pétur lofar einhverju óvæntu á laugardags æfingunni.

Sjáumst á laugardaginn.

kveðja,
Hilmir

p.s þeir sem eru með GPS tæki ættu að sækja þetta forrit http://www.zonefivesoftware.com/SportTracks/ , þar getur maður séð ýmsar upplýsingar um hvert hlaup t.d sér maður hæðamismuninn og margt fleira.

Slepptum Svindlaranum í kvöld vegna hálku innanbæjar og hlupum niður í Ölfus. Gleymdi að telja en við vorum c.a 15 á æfingunni.

Minni þá sem eiga eftir að borga æfingagjaldið að gera það sem fyrst. 314-13-146023 kt 210265-4579

Næsta æfing á morgun kl 18.

kveðja,
Hilmir

14 mættir í kvöld, tókum hraðaleik niður í Ölfusi, 7 sprettir 1 til 4 mínutur hver og mjög rólegt á milli.

Urðum ekki vör við hundana frá Núpum sem eru vanir að taka á móti hlaupurum, sérstaklega þeim sem eru í þröngum buxum

kveðja,
Hilmir

Fimmtudagsæfing var frekar fámenn enda ekki mjög góð færðin en engu að síður hlupu 3 úti og 1 á bretti inni en 5 fóru og syntu.
Ekki margir upp í sundlaug í morgun á lagardagsæfingunni. Undirritaður og Pétur hlupum í blindhríð um götur bæjarins og margir haldið okkur endanlega bilaða. Vorum að vísu aðeins hrímaðir í lokin líkt og jólasveinar að koma til byggða nema bara í hlaupagallanum. Mæli með skíðagleraugum í svona bil en ekki gott að hlaupa í mót norðri í svona veðri. Lísa hafði vit á að fara í sundlaugina og heita pottinn og enn aðrir höfðu vit á að láta veðrinu slota og nota tímann í annað á meðan. Um hádegi komin sól og blíða....!
Runrun.. AT

Fjölmennt í kvöld þar sem 21 mættu, samt vantaði Stefán Junior, Stefán Senior, Bjössa Bláfelli og Tona.
Tókum "Svindlarann" í kvöld. Þar bar hæst að Valdi vann Litla Hitler, lítill fugl hvíslaði því að mér að Litli Hitler væri að endurskoða æfingaplanið hans Valda sem var hlegið svo mikið að um daginn

Gaman að segja frá því að Skokkhópur Hamars er í 9. sæti yfir landið á Hlaupadagbókinni www.hlaup.com

Næsta æfing á morgun kl 18.

kveðja,
Hilmir